小小 Cobi 事件簿

  呢本小小 Cobi 事件簿當然係由我掌管架啦﹗

呢本事件簿係會記載我一 D 難忘同埋有趣0既事
件。由於我記性咁差﹐所以如果我記憶0既﹐一定係好
特別的﹐但當然係對我來講啦﹐可能你未必會覺得特
別。不過﹐只係分享一下。希望唔會令到你覺得好悶﹗

事件一﹐當然係由我的小時侯開始講起啦﹗0係我
得幾歲0既時候﹐好細過﹐所以唔知0個時幾多歲﹐不過
0個時已經識行架啦﹐呀媽帶我唔知去邊到玩﹐好似一
D 廟宇之類0既0野﹐細個邊到都可以玩﹐哈哈﹗0係0個
到我同個一個外國0既小女孩影相﹐我都唔知點解架﹐
總知就影佐﹐0個個女仔同我差唔多高架。其實﹐我都
已經唔記得佐有件咁0既事﹐只係胏返D相先知。哈哈﹗
唔知有冇機會再見返呢個小女孩呢﹗不過﹐就算真係比
我見到佢﹐我都唔認得佢啦﹗但係我相信緣份呢樣0野﹐
如果有緣的話﹐我相信我0地一定會有一日再見0既﹗

事件二﹐今次呢件事﹐我記得係幾時發生架啦﹐
不過﹐唔知有冇記錯喳。如果冇記錯0既話﹐應該係發
生0係四年級。由於我未試過間學校就係我屋企附近﹐
行路都到0個隻﹐所以一直以來唔係落校車﹐就係落巴
士。0個時就係落校車﹐唔知點解0個次架校車會咁少
人﹐一架坐四十人到0既旅遊巴﹐只載了唔夠二十人。
哈哈﹗唔知邊個提議射馬紙﹐我0地就日日0係放學落
校車返屋企0個時﹐0係架車上面射馬紙﹐由於我0地朝
早同放學0個時落架車唔同﹐朝早架車會多人D﹐同埋
唔同車﹐唔同司機﹐而且朝頭早個個都未訓醒咁。0個
時成日都希望快D放學﹗不過﹐好奇怪﹐我0地係分開
車頭同車尾兩邊0黎射﹐車頭係男仔﹐車尾係女仔。
又時我0地都會唔小心射仲個司機﹐不過佢好好人唔
會鬧我0地﹐有時我0地仲會問佢借橡筋添﹐哈哈﹐都
唔知點解佢會有橡筋0係車到。我仲記得佢有次仲請晒
我0地成車人食雪條﹐不過早落車0個 D 就冇得食﹗我
以加仲記得個司機叔叔個樣﹐如果佢0個樣冇變到﹐
可能我仲認得佢架﹗哈哈﹗我0地足足射佐半年馬紙﹐
後來唔知點解朝早0個架車做埋放學﹐我0地冇得玩啦﹗

事件三﹐0係中學啦﹗F.1 0個時我0地成班女仔好團結
架﹐食 lunch 0個時﹐我0地成十個人齊食架﹐坐親都坐大
檯﹐而且我0地好槽﹐不過我0地好開心架﹐好似當周圍D
人透明咁。佢0地好誇張﹐次次都用晒一大支本來滿滿的
醋﹐你會見到佢0地碗0野成碗都係紅色囉﹗  0個時因為
我0地個班主任有D問題﹐所以我0地成日都轉老師。有一
次﹐有個啊 Sir 將我0地男一邊﹐女一邊咁分開來坐。至
此之後﹐我0地男同女就水火不溶﹐ 我0地男女成日嗌
交﹐女仔更係幫返女仔﹔男仔幫返男仔﹐所以每一次有
人嗌交﹐就會越來越多人加入戰團。我0地又會成日整
蠱佢0地﹐放學0個時﹐見到佢0地係留下﹐就會搵D粉
筆掉落去﹐所以我0地班成日唔見粉筆﹐粉擦等。有
次我0地將D貼紙“痴”係佢0地張椅到﹐0個次差D比
人罰。啊 Sir 問我0地邊個做0既﹐之後我0地成斑企晒起
身﹐後來啊 Sir 只係勸我0地以後唔好再咁做﹐好險﹗
頭先我未話奇怪0既﹐奇怪就奇怪在兩次都係男女開
戰。不過之前係玩﹐今次唔係。仲有一樣0野都係好
橋﹐小學同中學我都係有四個 Best friends﹐計埋自己
就五個人﹐連去日本都係五個人一齊返0黎﹐好巧合﹗

事件四﹐都係中學的﹐今係 F.2﹐0個時我0地成日
去一個 friend 屋企玩耍“猛”雞﹐何仔公等等﹐以加可
能會覺得我0地0個時好百痴。其實﹐冇乜話百唔百痴
0既﹐開心未得囉﹗我0地玩0個時﹐移埋佢屋企D 家
私﹐玩得好顛﹐連佢到摺門都整林埋﹐好攪笑。  又
有一次我0地要整壁布喎﹐我0地梗係有整啦﹐仲攤埋
獎添。不過﹐我0地0係整過陣時﹐都有0係班房到玩
何仔公﹐仲有玩“頂”粉筆同埋粉擦﹐由於我0地唔
想浪費學校資源﹐我0地自己買多佐個粉擦﹐同埋買
佐D 粉筆返學校玩﹐嘻嘻﹐但係個班房污穢就難免
了﹗哈哈﹗0個時有幾個男仔比我0地整到件校褸一大
個粉擦印﹐我0地好醒架﹐收埋D校褸先玩﹐嘻嘻﹗

事件五﹐到舊年啦﹗考完會考之後同 Annie 去佐日
本﹐去完之後識多佐幾個朋友仔﹐Ming, Teresa & Jackie.
佢0地都好玩得架﹐ 我0地每日完成佐朝早係日本0既行
程之後﹐返到酒店之後﹐我0地洗完白白之後﹐就會0黎
我0地問房開小食會﹐哈哈﹐朝頭早就買軟晒D零食夜晚
食。有一次我0地本來會有一個新成員加入﹐但0個位人
兄實在太斯文啦﹐一睇就知道係讀書人0個隻﹐之前我
0地都好擔心我0地會唔會嚇親佢﹐不過最後佢都冇出
現﹐因為佢話唔舒服﹐唔知係唔係已經驚佐我0地。
哈哈﹗晚晚都會聽到我0地好糟架﹐不過未試過比人
鬧。係富士山個晚﹐差D比海哥嚇死﹐去0個到之前﹐
個導游話0個間酒店夜晚會有D邪野﹐0係到嚇我0地﹐
後尾走佐先話比我0地聽﹐話有D導游試過訓訓下比人
搬佐出路檯﹐唔知真定假。0個晚佢0地又係0黎晒我
所地到﹐0係到睇 With Love﹐啊Ming 仲係到幫竹野內
豐配音﹐當然佢都唔知佢講緊乜啦﹗所以好好笑﹐睇
睇下我就林住去沖涼﹐點知當我行到去門口0既時候﹐
突然有敲門聲喎﹐當我林住開門0既時候﹐個門鎖突然
自己0係到擰喎﹐嚇到我即刻衡返入去同佢0地講﹐一
講就聽到海哥把聲﹐原來佢又係出邊擰個門鎖﹐真係
比佢嚇死。仲有一樣好笑野﹐由於0係富士山0個到﹐
七點幾食完飯﹐冇野好做﹐咁早開P都冇癮啦﹗所以
我0地就坐0係 Lobby 到﹐睇下有咩玩。之後﹐我0地見
到有團人剛剛來到﹐我0地見到個旅行社個名估到佢
0地係香港人﹐跟著我0地就0係到扮講日文﹐耍下佢
0地﹐我0地細聲講﹐大聲笑﹐ D “呢”就好大聲﹐
因為日本人好鐘意講講下0野就“呢”﹐同埋D
“saw duk si lai" 就好大聲﹐佢0地亦都好似信咁。信唔
信其實都唔重要﹐因為我0地玩得好開心。  返佐0黎
之後﹐我0地都有約出0黎睇相同埋睇 video﹐我0黎
Canada 之前都有同佢0地再見過面﹐仲影佐好多貼紙
相添﹐我0地以加間唔中都有用 E-mail聯絡。不過﹐
我知道佢0地成日都好忙﹐希望有機會再同佢0地一齊
去旅行啦﹗呢次係我第一次自己去旅行﹐今次之後﹐
我已經愛上佐去旅行啦﹐等近第二次啦﹐哈哈﹗﹗

事件六﹐今次 Update D﹐係今年啦﹗我臨來 Canada
之前﹐就同佐以前 F.1 to F.3 都同一班的人聚佐一次舊。
佢0地0黎晒我屋企火窩﹐火窩﹗好熱鬧﹐雖然我發佐
一次火﹐但係其實我都玩得好開心架﹗點解我會發
火﹖未係佢0地囉﹐佢0地頂雞蛋呀﹐都唔知佢0地走
佐之後呀﹐我清潔間屋﹐清潔佐兩個鐘呀﹗佢0地玩
完就“遼”佐去。講真﹐佢0地走佐之後﹐真係有點
兒怪怪的感覺﹐因為一分鐘前係好糟﹐好熱鬧的﹔一
分鐘後就變佐好靜﹐有種冷清0既感覺﹐成個死城咁﹐
感覺非常之唔好。幸好﹗有兩個敕星﹐敕佐我出死
城。哈哈﹗成一點幾﹐仲有人打電話比我﹐佢同我傾
傾下﹐Emily就0係途中打電話比我﹐我同佢由沙田傾
到佢返到旺角0既屋企﹐我亦都差唔多執完屋﹐個日真
係 tire 死﹐亦都好彩﹐佢0地有人之前洗晒D碗﹐哈哈﹗
多謝佢﹗﹗其實﹐林返起我0地同佢0地以前成日鬧交﹐
以前仲覺得佢0地真係好衰架﹗不過﹐後來先發現真正
0既衰人唔係咁﹗以前0既  F.1仔﹐ F.1女﹐就好似細路
仔0係到鬥氣咁﹗不過林返起都會覺得好笑架﹗我0地
以前試過大整蠱佢0地﹐不過﹐係乜0係到就冇謂講
啦﹗hehe!講真﹐其實佢0地個人都係冇乜野0既﹐只係
有時把口衰D囉﹗比起其他表面對你好好0既人﹐其實
係好假﹐只不過係0係你面前做近戲比你睇﹗佢0地
真係 100%好好囉﹗﹗0係我生命裡面﹐比我識到四
個好朋友﹐同埋其他陪我度過佐好多歲月0既F.1 仔﹐
F.1女。哈哈﹗雖然我0地永遠不再F.1﹐亦都好難再
一齊坐埋0係同一個班房讀書﹐恰眼訓﹐整蠱 D 代課
0既老師﹐好似歐Sir﹐豬肉佬﹐肥佬黎等....不過﹐
我0地已經變成佐永遠0既朋友仔啦﹗﹗哈哈﹗
各位傻瓜都長大了啦﹗

呢頁係我寫得最多字0既一頁﹐唔知會唔會
悶親你﹐希望冇啦﹗ 寫完呢個 homepage﹐真係令
我記返起好多0野﹐呢本事件薄會不斷不斷咁增直。
如果你得閒0既﹐不防再0黎睇個我0既故仔啦﹗﹗﹗

My Chummy
Annie Wendy  May Alice  Emily Wing
叻(Net)的 Chummy
Chummy 眼中的 Cobi